A bruxa Nicolasa comezou o curso dándonos unha gran sorpresa:
Mochilas viaxeiras para os alumnos de Caldelas!
A Biblioteca Escolar tende
a man ás familias para traballar xuntos cara dous importantes obxectivos: que
os vosos/nosos cativ@s aprecien o pracer da lectura e a importancia dos libros
na súa formación integral.
A falta de tempo é o noso
peor inimigo, pero animámosvos a recibir a Mochila coa mesma ilusión coa
que os nen@s a recollen para levala a
casa.
Non fai falta ler todo o
seu contido. Non é posible unificar gustos. Enviamos unha selección variada para ollear
e escoller o que máis se axuste a cada un no curto período dunha semana.
É importante que teñades en conta os seguintes aspectos:
- As mochilas irán de casa en casa con libros e audiovisuais para que disfrute toda a familia.
- Estarán en cada casa unha semana. É moi importante a devolución da mochila no prazo indicado, senón, haberá familias que non poderán disfrutar dela.
- Xunto co material, achegamos o Caderno Viaxeiro.
- Achegamos tamén a relación de material da mochila, para que se revise ao recibila e tamén antes da devolución.
Lembrade familias: Se ti les, eles
len.
Comentarios
Publicar un comentario